Kulan wadareedka Golaha Wasiirrada XFS oo maanta ka furmay magaalada Muqdisho.

-

 

 


 

Muqdisho, Agaasto 23, 2022-- Kulanka Wadareedka Golaha Wasiirrada Xukuumadda Federaalka Soomaaliya ee socon doonna muddada labada cisho ah, ayaa lagu lafa gurayaa howllaha mudnaanta u leh xukuumadda iyo habka loo xoojin karo wadashaqeynta wasaaradaha iyo hay’addaha kala duwan ee dowladda.

Arrimaha ugu muhiimsan ee diiradda lagu saari doonno kulan wadareedka Golaha Wasiirrada ayaa ah, lix qodob oo koobaya barnaamijka xukuumadda Dan-Qaran.

Wada shaqeynta hay'adaha dowladda, falanqeynta howllaha hortabinta u leh xukuumadda, adkeynta ku dhaqanka xeerarka dalka iyo fahamka Xeer hoosaadka Golaha wasiirada. Dhawrista iyo ku dhaqanka habraacyada heshiisyada ay hay’adaha dowladdu la galayaan hay’ada kale, hagaajinta habka xog-wadaagidda hay’adaha Dowladda dhexdooda iyo la wadaagidda dadweynaha xog mideysan.

Ra’iisul Wasaaraha Xukuumadda Federaalka Soomaaliya Mudane Xamse Cabdi Barre, ayaa sheegay, si loo fuliyo adeegyada dowladda ee ay baahida u qabaan shacabka Soomaaliyeed in ay lagama maarmaan tahay wada shaqeynta hay'adaha shaqo wadaagga ah.

"Labada maalmood ee aad ku jirtaan Kulan wadareedka, waa in aad dareenkiinna, maskaxdiina iyo muuqaalkiinnaba isugu geysaan sidii iyo habkii loo hirgelin lahaa howllaha hortabinta u leh Qaranka".

Ra'iisul Wasaaraha oo golaha xusuusiyey sida ay lagama maarmaan u tahay in maanka lagu hayo dhibaatooyinka is biirsaday ee dalka ka jira, ayaa tilmaamay in dadka Soomaaliyeed ay golahan ka sugayaan qorshe cad oo lagu samatabixinayo bulshada tabaaleysan.

Ra'iisul Wasaare Xamse Cabdi Barre ayaa intaas ku daray; "Waxaan ku rajo-weynahay in gebo-gebada kulan wadareedkaan ay kaso bixi donaan natiijooyin waxtar u yeelan doona, waxna ka badali doona mustaqbalka dadkeenna. Waxaan idinku adkaynayaa in si degan u aqridaan Barnaamijka Xukuumadda ee uu Baarlamaanku ansixiyay, isla markaana aad ka soo dhalashaan qotominta iyo adkaynta tiirarka ku xusan ee udub-dhexaadka u ah Dowlad-dhiska Soomaaliya".

Shir Wadareedka Golaha Wasiirrada ayaa waxaa sidoo kale, hadallo ka jeediyey Guddoomiyaha Golaha Shacabka Mudane Sheekh Aadan Maxamed Nuur, Xeer Ilaaliyaha guud ee Qaranka, Mudane Suleymaan Maxamed Maxamuud, Ergayga gaarka ah ee arrimaha Abaaraha u qaabilsan Madaxweynaha, Mudane Cabdiraxmaan Cabdishakuur, khubaro iyo lataliye yaal ka tirsan Xafiiska Ra'iisul Wasaaraha.

 


 

 

 
Location: Mogadishu, Somalia

Popular posts from this blog

Ra’iisul Wasaare Rooble oo booqday Xarunta Ciidanka Danab ee Balli-doogle

-
  Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble ayaa maanta safar shaqo oo lagu dhiirigelinayo ciidanka Xoogga dalka ku tagey Balli-doogle oo ka tirsan Shabeellaha Hoose, halkaas oo ay ku howl-galaan Ciidanka Kumaandooska Danab Guutada 16. Ra’iisul Wasaaraha oo xogwareysi la yeeshay ciidanka, ayaa boggaadiyey guulaha la taaban karo ee ciidanka Danab guutadiisa 16-aad ee sida gaarka ah u tababaran ay ka soo hooyeen dagaallada lagula jiro kooxaha argagixisada ah. Ra’iisul Wasaare Rooble ayaa soo bandhigay muhiimadda ay leedahay dib u habaynta Ciidanka Qalabka Sida oo aas-aas u ah dowladnimada dalkeenna iyo in guul deg-deg ah laga gaaro dagaalka lagaga sifaynayo dalka argagixisada. “Waxan idin kugu nimid inaan idin xogwareysano oo dhiirigelinayo dadaalkiina ku addan dagaalka aad kula jirtaan cadowga. Maadaama aan hiigsaneyno mustqabalka dhow in ciidamadeennu ay si buuxda ula wareegaan guud ahaan Amniga Qaranka. Iyad...
Read more

Ra’iisul Wasaaraha oo ku baaqay in laga qeyb qaato dib u dhiska Xaruntii Gaheyr ee Jaamacadda Ummadda Soomaaliyeed

-
  Ra'iisul Wasaaraha Xukuumadda Federaalka Soomaaliya Mudane Maxamed Xuseen Rooble oo goob-joog u ahaa munaasabad lagu soo bandhigayay naqshadda cusub ee Jaamacadda Ummadda faraceeda Gahayr, isla markaana yabooh maaliyadeed loogu raadinayay dhismaha xarunta ayaa ugu baaqay bulshada Soomaaliyeed iyo saxiibada caalamka in laga qeyb qaato dib u dhiska Jaamacadda. Xaruntii Gaheyr ee Jaamacadda Ummadda Soomaaliyeed oo burbur xooggan ka soo gaaray dagaalladii dalka ka dhacay ayaa lagu qiimeeyey dhaqaalaha ku baxaya 190 Malyan oo Doolar, waana taas sababta keentay in la qabto barmaanijkaan dhaqaalaha loogu raadinayo. Ra’iisul Wasaaraha ayaa tilmaamay in uu kamid ahaa ardaydii ka soo baxday xarunta Gahayr, uuna garanayo qiimaha iyo ahmiyadda ay ugu fadhido bulshada Soomaaliyeed in dib loo howlgeliyo muddo soddon sano ah, xukuumaddiisuna ay kaalin mug leh ka geysan doonto. Dhinaca kale, Wasiirka Arrimaha Dibedda Soomaaliya Mudane Maxamed Cabdirisaaq ...
Read more

Madaxweynaha oo Muqdisho ka furey xarun casri ah oo lagu tababarayo ciidammada Soomaaliya

-
Image
Muqdisho, 12 May 2015: Madaxweynaha Jamhuriyadda Federaalka Soomaaliya ahna Taliyaha Guud ee Ciidammada Qaranka, Mudane Xasan Sheekh Maxamuud ayaa maanta si rasmi ah magaalada Muqdisho uga furey xarun cusub oo lagu tababarayo ciidammada Soomaaliya. Dugsigan cusub oo ay maalgeliyeen, gacantana ay ku haysey Dowladda Isutagga Imaaraadka Carabta ayaa waxaa lagu tababarayaa dhalinyaro laga soo qorey dhammaan gobollada dalka Soomaaliya. Madaxweynaha oo khudbad ka jeediyey munaasabadda ayaa sheegay in hirgelinta xaruntan ay daliil u tahay sida Soomaaliya looga caawinayo dagaalka lagula jiro argagixisada iyo dib u dhiska ciidanka qaranka. “Tani waxay daliil u tahay in dagaalka aan kula jirno cadowga Al- Shabaab uu yahay mid caalami ah oo dalalka dunida ay mar walba nagu garab taagan yihiin. Waxay kaloo tani jawaab u tahay codsi aan horey ugu jeediyey madaxda dalka Isutagga Imaaraadka Carabta oo ah inay dib u dhiska waddankeena ay taageero ka geystaan, iyagoo isla markaana naga aqba...
Read more